Mendeurrena elkarrekin ospatuko dute Xanti eta Maddalenek, eta La Pamplonesak
Ehun urte beteko dituzte aurten Xanti eta Maddalen erraldoiek, baita Iruñeko La Pamplonesa Musika bandak ere, eta elkarrekin ospatuko dute mendeurrena datorren larunbatean Iruñean.
Xanti eta Maddalenen agurra iazko madalenetan. Ehun urte beteko dituzte aurten Xanti eta Maddalen erraldoiek, baita Iruñeko La Pamplonesa Musika bandak ere, eta elkarrekin ospatuko dute mendeurrena datorren larunbatean Iruñean. Hori posible egingo duena, EMKE Errenteriako Musika Kultur Elkarteko Musika Banda izango da. Urrutitik dator La Pamplonesa eta EMKEren arteko harremana, 1918an hasi baitzen. Urte hartan jaialdia egin zuten Iruñean eta hamabi banda bildu ziren bertan, tartean Errenteriako Musika Banda. Inflexio puntua izan zen jaialdi hori, izan ere, militarrek osatutako musika banda zuen, eta zibilez osatutakoa zuten aldarri herritarrek.
Hiru saiakera egin ostean, 1918an heldu zen aukera horretarako uztailaren 12an egin zuten Musika Banden Lehiaketaren eskutik heldu zen azkenean banda zibila egiteko momentua. Iaz, omenaldia jaso zuten duela 100 urteko lehiaketa hartan izan ziren banda guztiek, tartean Errenteriakoak.
100 urte geroago, Iruñera itzuliko da EMKE musika banda kontzertua eskaintzera. Larunbatean izango da hori, hilak 15, 12:30ean hasita Orreaga Hiribidean entzierroaren monumentu ondoan, eta ez dira bakarrik arituko Oreretako Erraldoien Konpartsa bertan izango da Xanti eta Maddalenekin, baita gaitero eta txistulariak ere.
