Mendekosteen ondoren... Euskal Jaiak Lezon
Euskal Jaiak egingo dituzte Lezon ostiraletik igandera. Bertan, besteak beste, Sagardo Eguna, Euskal Ezkontza, herri kirolak eta bestelakoak izango dira.
Murixkaren emanaldiarekin hasiko dira Euskal Jaiak. Mendekoste Jaiak bukatu berri diren honetan, jaiak ez du etenik izango Lezon. Ostiraletik Igandera, lehenengoz, Euskal Jaiak egingo dituzte herrian. Mendekosteen egitaraua indartsua bazen, Euskal Jaiarena ez da atzean geldituko. Osagai askorekin osatu dute udalak eta herriko eragileek egitaraua. Urtero-urtero errepikatu nahi den iniziatiba da.
Izan ere, asmoa da urtero, ekaineko bigarren asteburuarekin bat egin dezala Euskal Jaiak. Aurten, mendekosteak berandu iritsi dira, horregatik bi jai esparruen arteko hurbiltasuna. Hurrengo urteetan tarte handiagoa izango da.
Esana dago egitaraua mamitsua dela. Horren seinale, jarraian datorren ekitaldien zerrenda edo egitaraua:
Ekainak 14, ostirala
- 21:00. Murixkaren ikasturte bukaerako ekitaldia Bekoerrota kiroldegian.
Ekainak 15, larunbata
- 11:00. Euskal Ezkontza Lezoko Dantzazaleekin eta eskualdeko dultzaineroekin, herritik zehar.
- 12:30. Kantu jira herritik zehar.
- 13:00. Dantza emanaldia Gurutze Santuaren plazan.
- 14:30. Herri bazkaria Goiko Plazako pilotalekuan, Euskal Dantzazaleekin, gaiteroekin…
- 17:00. Giza proba, probalekuan.
- 18:00. Sagardo Eguna Gurutze Santuaren plazan.
- 20:00. Esaera zaharren lehiaketa, Gurutze Santuaren plazan AEKren eskutik.
- 21:30. Lezoko Dantzazaleak eta Jaiki Hadi taldeen emanaldia.
Ekainak 16, igandea
- 09:30. Diana eskualdeko dultzaineroekin.
- 11:00. Lorezain konpartsa herritik zehar.
- 12:00. Euskadiko Musikari Gazteen kontzerttua Tomas Garbizu Musika Eskolan.
- 12:30. Herri kirolak Gurutze Santuaren plazan. Aizkoran: Irati Atondoa eta Maite Arostegi. Altureran: Fausto Mugertza. Harrian: Mikel Lopetegi.
- 16:00. Baserriko haur jolasak, Karlos Saldisen plazan, Kulkiren eskutik.
- 18:00. Gu, Agustina ikuskizuna Goiko Plazako frontoian. Partaideak: Ereintza Dantza Taldea; Maialen Arzallus (bertsotan); Mikel Oliveri, Andoitz Antzizar, Iñaki Letamendia eta Itziar Etxegia (musikariak).
- 20:30. Bertso-rap saioa Ziakhus-ekin, Gurutze Santuaren plazan.
