[Galeria] Bihar gehiago
Lehenengoz ari dira Euskal Jaia ospatzen Lezon atzotik bihar arte. tartean egitarau zabala eta giro paregabea gaurkoa behintzat.
Giza proba egin dute gaur, besteak beste, Euskal Jaiaren barruan. Euskal Jaia egite ari dira atzotik bihar arte Lezon. lehen aldia da egiten dutela, eta giroa behintzat, paregabea izaten ari da. Euskal Ezkontza egin dute goizean eta bazkaria ondoren. Arratsaldean berriz, giza probak herritar mordoa bildu du Goiko plazako probalekuan. Giroak ere lagundu du, baina dena ematen ari diren Beti Gazte eta Lezotiora taldeko kideek ez dute animorik falta izan, beraiek bezala ere bildutako publikoak dela eman duelako. Saiatu dira Betigazteak, baina ezin izan dute, Lezotirak irabazi du, gazteak azkenean txapeldun.
Hura amaituta berriz, Tiñeluk antolatzen duen Sagardo Eguna hasi da Gurutze Santuaren plazan. Lezoko baserrietan egindako bederatzi sagardo aukeran eta epaimahaiak zortzietan aukeratuko du onena. Txotx irekiera egiteko, gonbidatu bereziak izan dituzte oholtza gainean, Lezoko Harrera taldeko kidea eta bertan bizitzen ari diren bi migratzaile. Txalo zaparrada jaso dute. Eguna ez da horrekin amaituko, esaera zaharren lehiaketa, antolatu du Lezoko AEKk Gurutze Santuaren plazan 20:00etan, eta 21:30ean, Lezoko Dantzazaleak eta Jaiki Hadi taldeen emanaldia.
Lehen aldia izan du honakoa, baina urtero antolatzen jarraitu nahi dute ekaineko bigarren asteburuarekin bat eginda.
Eta gaurkoa gozatuta, bihar gehiago. Honakoa egitaraua:
Bihar, igandea
- 09:30. Diana eskualdeko dultzaineroekin.
- 11:00. Lorezain konpartsa herritik zehar.
- 12:00. Euskadiko Musikari Gazteen kontzerttua Tomas Garbizu Musika Eskolan.
- 12:30. Herri kirolak Gurutze Santuaren plazan. Aizkoran: Irati Atondoa eta Maite Arostegi. Altureran: Fausto Mugertza. Harrian: Mikel Lopetegi.
- 16:00. Baserriko haur jolasak, Karlos Saldisen plazan, Kulkiren eskutik.
- 18:00. Gu, Agustina ikuskizuna Goiko Plazako frontoian. Partaideak: Ereintza Dantza Taldea; Maialen Arzallus (bertsotan); Mikel Oliveri, Andoitz Antzizar, Iñaki Letamendia eta Itziar Etxegia (musikariak).
- 20:30. Bertso-rap saioa Ziakhus-ekin, Gurutze Santuaren plazan.
