'Badia Ertzean' egitasmoa aurkeztuko dute, espetxe politika salatzeko
Preso politiko guztiei elkartasuna adierazteko eta espetxe politika salatzeko ekimen herrikoia izan nahi du `Badia Ertzean´. Ostiralean aurkeztuko dute, San Pedroko Antxetan.
`Badia Ertzean´ Pasaian hasiko da, baina beste eskualdeetara zabaltzeko asmoa dute. Kulturaren bidez, harresiak bota eta zubiak eraikitzeko asmoa du Badia ertzean egitasmoak. Auzolan asanblearioa da proposatzen dutena; badiako mugimendu herrikoien, giza eskubideen arloan jarduten duten taldeen eta sare kulturalen ondarea uztartu, eta presoen etxeratzearen mesedera jarri nahi dute. Pasaian emango dituzte lehen urratsak baina beste bailaretara zabaltzeko asmoa dute.
Ostiralean egingo du Badia ertzean egitasmoak lehen agerraldia, 21:00tan San Pedroko Antxeta elkartean. Bertan, espetxeko harresien barruan bizi den errepresioa ezagutarazi eta salatuko dute, musika eta beste jarduera kultural batzuen bitartez, harresiek ezin baitute kultura gelditu.
Antxeta pareko errepidea, plaza bihurtu eta bertan irakurriko dute haien lehen manifestua. Jarraian, Sardinajanari ekingo diote.
San Pedrokoa, Badia ertzean-ekegingo duen lehen gelditua baino ez da. Pasaian zein inguruko jai guztietan, egitasmoaren berri emateko egongo direla jakinarazi dute, baita Ateneo Ibiltarian edota Donostiako Zinemaldian, besteak beste.
