San Pedro Jaiak berotzen hasiko dira asteburuan
Sanpedrotarrek egitarau zabala antolatu dute herriko jaien atarian. Ondartxo abesbatzak, emakume erraketistak omenduko ditu asteburuan zehar.
Ondartxo abesbatzak ehunka emakume erraketista omenduko ditu. Astebete eskas falta da San Pedro Jaiei hasiera emateko, hilaren 27an hasiko dira. Hala ere, San Pedron ez dute gehiago itxaron nahi. Ekitaldiz jositako asteburua antolatu dute, herriko giroa berotzen hasteko
Esaterako, Ondartxo abesbatzak emakume erraketistak omentzeko hainbat ekintza antolatu ditu. Aurten Maritxu Barrenetxea erraketistari esker ona adieraziko diote, San Pedroko Musika eta Abesbatzaren Astearen harira. Raketistak lehen eta orain dokumentalak emango dio hasiera asteburuari, bihar, 19:00etatik aurrera.
Honakoak dira datozen egunetako ekitaldiak.
Ekainak 21 ostirala
- 19:00: Raketistak lehen eta orain dokumentala Ertin. Ehunka emakume erraketisten historia berreskuratuko dute, ahaztua izan ez dadin. Bertan izango dira zuzendariak.
- 20:00: Espetxetik plazara badia ertzean herri egitasmoaren aurkezpena, Antxeta tabernaren kanpoaldean.
Ekainak 22 larunbata
- 08:00-12:30: Arraitxiki txapelketa. Arrain txiki txapelketa itsasoan. Ontzi bakoitzak 30 euro ordaindu beharko ditu, parte hartu ahal izateko. Ontzi bakoitzeko hiru lagun onartuko dira besterik ez.
- 12:00: Erraketista sanpedrotarren partida frontoian.
- 13:00: Arraitxiki txapelketaren sari banaketa.
- 17:30: Herri triatloia Torrean. 2003tik aurrera jaiotakoei zuzendua. Lasterketa bakarkakoa izango da.
- 19:00: Gu, Agustina ikuskizuna Ereintza Dantza Taldearen eta Maddalen Arzallusen eskutik. Pilota, emakumea, bertsolaritza, dantza eta musika uztartuko dituen 30 minutuko ikuskizuna.
- 20:00: Rock Band Experience taldearen kontzertua Begihaundi tabernan. Haiek sortutako abestiak joko dituzte.
Ekainak 23 igandea
- 09:00: Diana txistulariekin.
- 12:00: Buztiña eta Eskamak haur txikientzat.
- 12:30: Buztiña eta Eskamak. Salbion jaiotakoek kamiseta zuria eraman behar dute. Torrean jaiotakoek aldiz, gorria.
- 16:00: Puzgarriak frontoian
- 19:00: Disko festa frontoian.
- 23:00 San Juan sua Torrean. Petit komite afaria egingo dute.
