Antxoko Topaguneak bost urte bete dituela ospatuko du bihar
Antxoko Topagunea sortu zutenetik bost urte bete dira. Bihar, egindakoak eta egiteko daudenak ospatzeko egun osoko jaia egingo dute.
Topagunea Antxoko jaien pizgarri izan da azken urteetan. Antxoko Topagunea jai euskaldun, feminista eta parta hartzaileak bultzatu, sustatu, eta egiteko jaio zen. Bost urte dira zeregin horri ekin ziotela. Eta lanean darraite, gogoz. Aurten ere ari dira Pasai Antxoko jai giroko eremuak euren asmoekin astintzen, eta elikatzen.
Bost urteko ibilbidea ospatu nahi dute, euren egiteko erarekin. Horregatik, biharko (larunbata) festa antolatu dute konpartitzeko egina dagoena, egingo dena, eta egiteke dagoenaz gogoeta egiteko. Egun osorako egitaraua antolatu dute, herritar orori zabalik, haur, gazte eta heldu.
Honakoak dira biharko antolatu dituztenak, denak Gure Zumardian, Antxoren erdian. Olinpiadetan parte hartzeko zerrendak, eta herri bazkarirako txartelak honako tokietan daude: Izadi, Leunda, Kamio eta Rome tabernetan.
- 11:00etan, txikien olinpiadak.
- 12:00etan, Antxoko kaleen arteko olinpiadak.
- 14:30ean, herri bazkaria eta Andoni Oilokiegirekin kantaldia. Tiketak: helduenak 10 euro, haurrenak 5 (goian jartzen du horiek non erosi).
- 18:30ean, dantzaldia Ixiar eta Maiderrekin.
- Oharra: 13:30ean, Urruñan aste honetan izan den hilketa matxista salatzeko elkarretaratzea egingo da.
