Beste gizon bat atxilotu dute, Donostiako hilketarekin lotuta dagoelakoan
Atxilotutako gizona Udaltzaingoaren komisarian dago eta datozen orduetan eramango dute epailearen aurrera.
Gros auzoko Mirakruz hiribidean eraso zuten errenteriarra. Udaltzaingoak beste gizon bat atxilotu du gaur goizean Donostiako hilketarekin lotuta dagoelakoan. Atxiloketa Udaltzaingoa eta Ertzaintza elkarlanean egiten ari diren ikerketaren ondorio izan dela esan dute ikerketa iturriek. Atxilotutako gizona Udaltzaingoaren komisarian dago eta datozen orduetan eramango dute epailearen aurrera.
Asteazkenean gizon bat atxilotu zuten ustez erasoarekin lotura zuelakoan, baina diligentziak eginda epaileari aurkeztu eta horrek kargurik gabe aske uzteko agindu zuen.
Igandean izan zen gertakaria Donostiako Gros auzoko Mirakruz kalean 10:00etan. Eraso ostean, lurrean zauri larriekin aurkitu zuten 61 urteko gizona emergentzia zerbitzuek, eta Donostia Ospitalera eraman zuten. Igandetik garun heriotza egoeran zegoen errenteriarra eta astelehen arratsaldean zendu zen. Donostiako Udaltzaingoak eta Ertzaintzak ikerketa abiatu zuten erasotzailea atxilotu eta erasoaren arrazoiak jakin asmoz. Erasoarekin lotura izan dezakeelako atxilotzen duten bigarren pertsona da.
