[Galeria] Aniztasuna aldarrikatuz hasi dituzte Sanpedroak
30 gradutik gorako tenperaturari aurre egin diote herritarrek eta epelean hasi dituzte San Pedro Jaiak. Sanpedrotarra nesken areto futbol taldearen jokalari ohiek bota dute aurten txupina, kolorez betetako festari hasiera emanez.
LGBT pertsonen eskubideak aldarrikatu dituzte San Pedron Bero hasi dira aurtengo jaiak, sargoriak sanpedrotarren kopetak izerdiz bete ditu, baina ez da nahikoa izan jendearen jai gogoak itzaltzeko. Arratsalde osoan zehar giro alaia izan da herrian, jende asko bildu baita frontoi inguruan, edatekoa eskuan zutela.
Hasiera ofiziala ordea, 20:00etan izan da. Aurtengo txupinazoa, konfetizko txupinazoa, Sanpedrotarra nesken areto futbol taldearen jokalari ohien eskutik etorri da, lau eguneko jaiei hasiera emanez. Ikusmira, maiz beste leku batzuetan egon arren, neska hauek arrakastaz jositako ibilbidea izan zuten, zailtasunak-zailtasun. Espainiako 3 Liga, 6 Kopa, Superkopa 1 eta 2 Iberiar Kopa eskuratu zituzten eta Euskal zein Gipuzkoako Ligak, hainbatetan irabazi zituzten. Lorpen guzti horiengatik eta San Pedroko kolore morea leku batetik bestera eramateagatik, esker ona adierazi diete sanpedrotarrek.
Horrez gain, San Pedro herri anitz eta tolerantea dela erakutsi dute, LGTBI ikurrina alkateordetzan altxatuz. Bihar Lesbiana, Gay, Bisexual eta Transgeneroen Harrotasunaren eguna da eta sanpedrotarrek haien eskubideak aldarrikatu dituzte.
HITZA txupinazoan izan da, hauek dira bildutako irudiak.
