Madalenak Cup-erako bihar eta larunbatean eman daiteke izena
Madalenak Cup uztailaren 14an jokatuko da Koldo Mitxelena plazan. Alebinentzako eta benjaminentzako formatu txikiko futbol txapelketa da.
Iazko ekitaldian, Koldo Mitxelena plazaren irudi orokorra. Uztailaren 14an da 2019ko Madalenak Cup, benjaminen (2009-2010an jaiotakoak) eta alebinen (2007-2008koak) formatu txikiko futbol txapelketa, taldekakoa, eta Koldo Mitxelena plazan egingo dena.
Bihar (ostirala) eta etzi (larunbata) eman daiteke horretan izena, 18:00etatik 20:00etara, Zuketz tabernan (20 euro taldeko). Taldeen muga dago. Hala, benjaminen taldeek gutxienez zazpi jokalari izan ditzakete, eta gehienez bederatzi. Alebinen kasuan gutxieneko partaideen kopurua seikoa da, eta gehienezkoa, zortzikoa.
Madalenak Cup taldeak antolatzen du jada herriko jaien atarian klasiko bihurtzen ari den iniziatiba. Haiekin harremanetan jartzeko (xehetasunak edo informazioa eskatzeko) bi telefono zenbaki prestatu dituzte: 699 547 913 eta 687 328 838.
