Txirrita parkeak eremu natural izaten jarrai dezan elkarrizketa abiatzeko eskatu dute bizilagunek
Pozik azaldu dira bizilagunak, eta positiboki baloratu dute egiten ari diren gaiaren gaineko kudeaketa izaten ari den emaitzekin.
Patxiku zelaian etxerik ez dutela nahi esan zuten bizilagunek ekaineko ez ohiko udalbatzarrean. Elkarrizketa ez atzeratzeko eskatu dute Txirrita Parkeko (Patxiku) bizilagunek. Etxebizitzak eraikitzeko proiektua dago bertan, baina bizilagunek, eremu hori gune natural, espazio berdea izaten jarrai dezala eskatu dute. Pozik azaldu dira, eta positiboki baloratu dute egiten ari diren gaiaren gaineko kudeaketa izaten ari den emaitzekin: “Udalak bere eremuan ez eraikitzea erabaki du, eta prest azaldu da gainera jabego pribatuarekin irtenbide bat negoziatzeko. Horri promotoreak bere eskubideen negoziaketarako erakutsi duen jarrera irekia , eta udalean ordezkaritza duten alderdi politiko guztiek espazio hau eremu natural gisa mantentzeko irtenbideak aurkitzeko erakutsitako jarrera gehitu behar zaio”. Horrek guztiak, “baikortasuna” zabaldu du bizilagunen artean, “negoziaketan bizilagunen eskera kontuan izango dela dirudi eta lortuko dugula Patxiku eremu natural izaten jarraitzea”.
Egoerak 1992ko egoerara daramatzala nabarmendu dute, “orduan ere gaiaren gaineko kontsentsua ahobatezkoa zen”.
Hauteskundeak amaituta eta datozen lau urteetan udala kudeatuko duen lantaldea definituta garrantzitsua dela bizilagunentzat iniziatiba pribatuarekin negoziaketa mahaian zein pertsona arituko diren identifikatzea esan dute, “elkarlanean aritzeko prestutasuna azaldu nahi diegulako eta kutsatu nahi diegulako gure ilusioa. Konbentzituta gaude, Patxiku berdegune natural bezala mantentzea posible dela eta gainera, beharrezkoa dela”.
Txirrita Parke ingurua jendetsua eta artifizialtutako espazioa izanik hura eremu berde gisa mantentzeak dituen onuren gaineko zalantzarik ez duela inork gaineratu dute bizilagunek, “hauteskundeak amaituta, udalean ordezkaritza duten alderdi politiko guztien aldeko jarrerarekin, iniziatiba pribatuaren adostasunarekin eta bizilagunek erakutsi duten elkarlanerako jarrerarekin, ezinbestekoa iruditzen zaigu elkarrizketari ekitea”.
