Errenteriari lakoi eta olagarro usaina dario
Galiziako Astea egiten ari dira Errenteria-Oreretan Gipuzkoako Galiziako Etxeak antolatuta, eta horren harira, asteburu osoan zehar bertako jakiak baita musikarekin ere gozatzeko aukera izango dute Zumardira biltzen direnek.
Zumardian dastatu daitezke Galiziako produktu tipikoak asteburu osoan zehar. Galiziako Astea egiten ari dira Errenteria-Oreretan Gipuzkoako Galiziako Etxeak antolatuta, eta horren harira, asteburu osoan zehar bertako jakiak baita musikarekin ere gozatzeko aukera izango dute Zumardira biltzen direnek.
Giro beroari, olagarro eta lakoi ukituak gehitu dizkiote, izan ere, eguerdirako prestatuta eta zabalik zuten astearen antolatzaileek Zumardian prestatu duten jantokia. Lapikoetan lakoia egosten, baita olagarroa ere eta parrilan su gainean saiheskia, besteak beste. Asteburu osoan zehar izango da zabalik eguerdian eta arratsaldean, baita parean Galiziako produktu tipikoekin zabaldu duten postua ere. Bihar eta etzi, 12:00etan tTisquele Gipuzkoako Galiziako Etxearen gaita bandak emanaldia egingo du. bihar 18:00etan berriz, Eguzkifole-Fol del sol Gasteizko gaita bandaren emanaldia izango da, Zumardian ere azken hori.
