[Galeria] Nerea Egia eta Raul Gomez Antxoko festen aurreko krosean garaile
Antxoko San Fermin XXIX. Krosa egin zen atzo (igandea) Pasaiako barrutian. Maila handikoa izan zen, 94 korrikalariren parte hartzearekin.
Emakumeen eta gizonen podium nagusiak. Lore Txorta elkarteak antolatzen duen Pasai Antxoko XXIX. San Fermin Krosa egin zuten atzo barruti horretan. Jaien atariko krosean, zazpi kilometrokoa, 94 lasterkarik parte hartu zuten. Horien artetik azkarrenak Nerea Egia donostiarra emakumeetan eta Raul Gomez lasartearra gizonetan izan ziren. Segundo dezenteko aldearekin irabazi zituzten euren kategoriako probak.
Emakumeen podium nagusian, bi antxotar. Bigarren izan zen jada herri lasterketetan klasikoa den Ana Cruz. Eta hirugarren, lasterketa hauetan indarrez sartu den Garazi Mekolalde, lasterketa handia eginez.
Gizonetan, Soraluzera joan zen bigarren postua Jokin Muñozen eskutik. Hirugarren, hondarribiarra, M’Barek Ait Benali.
Helduen lasterketez gain (beterano eta antxotar onenek ere jaso zituzten sariak), haurrenak ere izan ziren, giro ederra sortuz Zumalakarregi kaletik abiatzen zen zirkuituan. Sari emate ekitaldian, aipamen berezia egin zioten Lore Txortakoek Aitor Goñi korrikalariari.
Jarraian, lasterketaren sailkapen nagusiko ohorezko postuak, eta argazki galeria:
Emakumeak
- 1. Nerea Egia (Donostia) 27:29
- 2. Ana Cruz (Pasaia) 28:05
- 3. Garazi Mekolalde (Pasaia) 28:24
- 4. Eguzkiñe Zabaleta (Leitza) 28:28
- 5. Nere Arregi (Arrasate) 28:56
Gizonak
- 1. Raul Gomez (Lasarte-Oria) 22:14
- 2. Jokin Muñoz (Soraluze) 22:48
- 3. M’Barek Ait Benali (Hondarribia) 23:14
- 4. Aritz Mujika (Andoain) 23:35
- 4. Mikel Albeniz (Donostia) 23:45
Sailkapen osoa ikusteko, sartu Herrikrosaren webgunean (hemendik).
