Gamongoaren planeamenduari ekarpenak egiteko epea zabaldu du udalak
Gamongoko sektorea egokitzeko beharra dagoela ikusi dute udal arduradunek, eta hori dela eta, Hiri Antolamendurako Plan Orokorraren aldaketa egiten hasi dira.
Gamongoko sektorea egokitzeko beharra dagoela ikusi dute udal arduradunek, eta hori dela eta, Hiri Antolamendurako Plan Orokorraren aldaketa egiten hasi dira. Herritarrei ere ekarpenak egiteko aukera zabaldu die udalak eta horri begira, laburpen grafikoa eta edukia biltzen dituen esku orria prestatu du udalak nahi duenak aztertu eta ekarpenak egin ditzan.
Herritarrek proiektua ezagutu dezaten hainbat neurri hartu dituzte. Udaletxeko sarrera nagusian erakusketa egin eta azalpenak emango dituzte bihartik hilaren 15era arte, Zu! Zure Udala zerbitzuaren ohiko ordutegian. Halaber, erakusketa bat egingo dute Pontikako auzo elkartean, baita udalaren webgunean argitaratu. Zabalkunderako materiala ere banatuko dute udaletxe sarreran eta Zu! Zure udala arreta zerbitzuan.
