1969an jaiotakoek bazkaria egingo dute
Urriaren 5ean egingo dute Egiluze Sagardotegian, eta egun horretarako gainera egitarau zabala prestatu dute bazkariarekin batera
1969an jaiotako errenteriarrek kinto bazkarirako data jarri dute jada. Urriaren 5ean egingo dute Egiluze Sagardotegian, eta egun horretarako gainera egitarau zabala prestatu dute bazkariarekin batera. 11:00etan egingo dute hitzordua Koldo Mitxelena Ikastetxeko jolastoki estalian ate irekiera egiteko, eta bertan, akreditazioak emango dizkiete bazkarian parte hartuko dutenei, gutun pertsonalizatua izango da. Lepoko zapia,Errenteriako armarriaren pina, eta Egiluze sagardotegian konbinatu batengatik trukatzeko tiketa ere jasoko dute.
Ordu erdi beranduago mokadua egingo dute musikak girotuta,eta horretarako txaranga bat izango dute. Argazki ofiziala ere ez da faltako, eliz atarian egingo dute 13:00etan eta ordu erdi beranduago Niessendik irtenda Egiluzera joango dira autobusez. Bazkal osteko dantzaldiarekin nahikoa ez dutenentzat, Zuzen tabernan egingo dute jai amaiera 19:30ean. Mokadu bat eta edaria izango dituzte zain bertan. Erreserba egiteko 83 euroko diru sarrera egin behar dute interesdunek Laboral Kutxako ES51-3035 0011 20 0111267932 kontu korrontean irailaren 6a baino lehen, eta bazkari egunean ezinbestekoa izango da diru sarreraren ordainagiria aurkeztea.
