Allerruk nesken taldeen egitura sendotu nahi du
Allerru Kirol Taldeak nesken futbolaren aldeko apustua egin du. 2003 eta 2007 urteen artean jaiotakoak taldean izena eman dezaten animatu dituzte.
Allerruko nesken talde nagusiaren aurreko sasoiko partida bat. Emakumeen futbolaren aldeko urratsa egiteko prest da Allerru. Aurreko denboraldietan Senior Mailako taldea lehian egon da hainbat mailatan, eta ez dira sasoi asko emakumeen kadeteen taldea izan zuela. Baina aurreko sasoian soilik Gipuzkoako Gorengo Mailan izan zuen taldea izan du Lezoko taldeak. Orain, emakumeen harrobia indartu nahi du.
Horregatik 2003 eta 2007 urteen artean (biak barne) jaiotako neskei deia egin diete, Allerrurekin bat egiteko. Hainbat mailatan taldea ateratzeko asmoa du kirol elkarteak, baina jokalariak behar dituzte hurrengo sasoirako taldeak osatzeko.
Beraz, klubarekin bat egin nahi dutenek, telefono dei bat besterik ez dute egin behar (607 184 877 telefono zenbakira) izena emateko. Honako tarteetan:
- Uztailaren 1etik 5era, 13:00etatik 17:00etara.
- Uztailaren 8tik 11ra, 09:00etatik 21:00etara.
Entrenamenduak abuztuko azken astean hasiko dituztela zehaztu dute Allerrutik.
