Ereintza Maddalen Saria jokatzen ari dira
Errenteriako VII Tenis Opena Ereintza Maddalen Saria jokatzen ari dira egun hauetan Beraungo erabilera anitzetarako pistan Ereintza Eskubaloiak antolatuta eta Errenteriako Udaleko Kirol azpisailak eta ATGren Gipuzkoako Tenisaren Zaleak lagunduta.
Ereintza da tenis openaren antolatzailea. Errenteriako VII Tenis Opena Ereintza Maddalen Saria jokatzen ari dira egun hauetan Beraungo erabilera anitzetarako pistan Ereintza Eskubaloiak antolatuta eta Errenteriako Udaleko Kirol azpisailak eta ATGren Gipuzkoako Tenisaren Zaleak lagunduta.
Launa jokalari dituen zortzi talde egin dituzte antolatzaileek, eta jokalari bakoitzak talde bereko beste hiruren kontra partida bana jokatuko du talde bakoitzeko sailkapena lortzeko. Horren ondoren, kanporaketa zuzenak jokatuko dituzte, final laurdenak, final erdiak eta finalak jokatuko dituzte haien artean eta hilabete amaieran, lehiaketaren lau finalak jokatuko dira (bat kategoria bakoitzean).
Gipuzkoako tenis jokalari onenak ari dira openean, antolatzaileen esanetan, “orain arte egin diren edizioetako mailarik altuena da aurtengoa”, eta horien artean Errenteriako zazpi tenislari ari dira: Ivan Jimenez, Anton Basterrika, Adur Lekuona, Juan Carlos Millar, Iñigo Perez, Ivan Vizcaino, eta Aitor Juez. Donostia, Irun, Tolosa, Eibar, Hondarribia, eta Beratik etorriak dira besteak.
Tenis partidak zuzenean ikusteko aukera izango dute zaleek, doan, lanegunetan 16:00etatik 22:00etara, larunbatetan 10:15etik 22:00etara, eta igandeetan, 10:15etik 14:00etara. Lehiaketaren gaineko informazioa hemen kontsulta daiteke.
