[Galeria] Zapiak lepoan, hasi dira Antxoko sanferminak
Beste behin, ehunka antxotarrek jaiekin lehen unetik egin dute bat jaiekin, Gure Zumardia guztiz betez. Gorri eta zuriz jantziko da herria bost egunez.
Antxotarrek lepo bete zuten Gure Zumardia Aurten ere hasiera zaratatsua eman diote antxotarrek sanferminei, Gure Zumardiko bazter guztietan, dantzatuz, kantatuz eta salto eginez. Ohiko legez, txupinazoa 20:00tan bota zuten, elizako kanpandorretik. Festa ordea, hasia zegoen dagoeneko. Txarangaren musikak eta petardoen keak, girotu zuten Gure Zumardia.
Eromena baina, txupinazoak sortu du. Minutu bat falta zela, zapi gorriek plaza osoa estali zuten eta tinko eutsi diote lehen leherketa entzun arte. Orduan bai, bost egunez zapi gorria janzteko baimena jaso dute antxotarrek.
Gaur Gazte Eguna ospatzen ari dira Antxon eta goiz-goizetik, jolasak, tailerrak eta beste ekintza batzuk antolatu dituzte eta. Gazte bazkaria 15:00etan izango da Topagunean.
HITZAk bat egin zuen atzo Antxoko jaien hasierarekin. Hauek dira bildutako hainbat irudi.
