[Bideoa eta galeria] Bigarren egunean, oraindik sasoiko Trintxerpen
Trintxerpeko jaien bigarren eguna da gaurkoa. Trintxer elkartearen jarduerek, Haurren Danborradak eta herritarrek girotu dute goiza.
Haurren Danborradaren hasierako irudia. Atzo hasi ziren, handi, Trintxerpeko Karmengo Amaren jaiak. 20:00etatik, jaien hasierako txupinak eztanda egin eta jaiak hasi zirenetik, nabari da Pasaiako barrutian festaren intentsitatea batzuk era batera bizi dutela, eta besteek bestera. Horretarako baitira jaiak, nahi bezala gozatzeko. Gaur jaien bigarren eguna da, oraindik sasoiko daude trintxerpetarrak. Korkoiburuen herri bazkarian ederki asko ariko dira indarrak berreskuratzen.
Goizean izan da HITZA Trintxerpen. Besteak beste, Trintxer Elkarteak antolatutako toka eta bote lehiaketak, herri kirolak, eta Haurren Danborradan izateko aukera izan du. Eguraldia lagun, dena ederki, bermut giroan. Eta nola ez, jaietako txupineroak ez dira falta izan goizeko ekitaldietara, Itziar Fernandez, Garbiñe Eizagirre eta Juanje Neira. Trintxerpe bizi dute hirurek. Jaietan, are gehiago.
Jarraian, arratsaldetik aurrerako Trintxerpeko jaien egitaraua:
17:00: Kuadrillentzako herri-jolasak Azkueneko biribilgunean. Antolatzaileak: Azkueneko tabernak.
17:00: Erraldoiak eta buruhandiak Euskadi Etorbidetik hasita, Arrastaka Trikitixa Taldeak lagunduta. Antolatzailea: Jai Batzordea.
17:00: Dantza erakustaldia: Show time Serafin Esnaola plazan. Antolatzailea: Show time.
18:00: Dantza erakustaldia eta master klasea Serafin Esnaola plazan. Antolatzailea: Dantza-tu.
18:00: Familientzako antzerkia: Egur Taupadak Gudari plazan. Antolatzaileak: Trintxerpeko Korkoiburuak.
18:30: Emakumeen danborrada, Arrandegi kaletik hasita, barrutia zeharkatuko dute Serafin Esnaola plazara berriz itzultzeko. Antolatzailea: Emakumeen danborrada.
19:00: Kontzertua: Ritmo del desvan. Azkueneko biribilgunean. Antolatzaileak: Azkueneko tabernak.
23:30: Javi DJa Gudari plazan. Antolatzaileak: Emakumeen danborrada.
Uztailak 15, astelehena (haurren eguna)
*11:00etatik 14:00etara barraka guztiak merkeagoak izango dira Trintxerpeko haurrentzat.
17:00: Haurrentzako tailerrak Azkueneko biribilgunean. Antolatzailea: Ekaitza.
17:00: Umore horia eta gaztelu puzgarria Serafin Esnaola plazan. Antolatzailea: Jai Batzordea.
18:00: Mus txapelketa Azkueneko biribilgunean. Antolatzaileak: Azkueneko tabernak.
18:30: Haurrentzako karaokea Gudari plazan. Antolatzaileak: Trintxerpeko Korkoiburuak.
18:30: Zumba Azkuenen. Antolatzailea: Dantza-tu.
19:00: Barrio Sesamore photocalla Azkuenen. Antolatzailea: Fama.
19:30: Karmengo Amaren Hirurrena eta meza Karmengo Amaren kofradiaren eta kideen omenez Karmengo Amaren elizan. Antolatzaileak: parrokia.
- Parrokiako abesbatzak abestuko du.
20:00: Familia-danborrada Serafin Esnaola plazatik hasita Gernika plazaraino. Antolatzailea: Familia-danborrada.
21:00: Kontzertuak: Tenpera, Comic Sans, Baiona y Bronson eta Missouri Serafin Esnaola plazan. Antolatzailea: Trintxer taberna.
22:00: Kontzertua: Helter Skelter The Beatles Show Azkueneko biribilgunean. Antolatzaileak: Azkueneko tabernak.
23:00: Karaokea Gudari plazan. Antolatzailea: Trintxerpeko Korkoiburuak.
Uztailak 16, asteartea (Karmengo Amaren eguna)
09:00: Diana Arrastaka Trikitixa Taldearekin. Musika eskolatik abiatuko dira. Antolatzailea: Jai Batzordea.
10:00: Toka eta bote txapelketa Azkuene gizarte-zentroan. Antolatzailea: Azkuene gizarte-zentroa.
12:00: Patata tortilla txapelketa Azkueneko biribilgunean. Antolatzaileak: Azkueneko tabernak.
- Parte-hartzaileek euren tortillak eramango dituzte Azkueneko biribilgunera, epaimahaikideek balorazioa egin dezaten.
12:00: Meza nagusia Karmengo Amaren omenez Karmengo Amaren elizan. Antolatzailea: parrokia.
- Batera kantatuko dute parrokiako abesbatzak eta Trintxer Zahar Abesbatzak.
13:00: Meza nagusiaren ondorengo mokadua frontoiaren inguruan. Antolatzailea: parrokia.
17:00: Elizatik abiatuta, marinelen danborrada, gure marinelen omenez. Antolatzailea: Marinelen Danborrada.
18:30: Jump-Fit Serafin Esnaola plazan. Antolatzailea: Trintxer taberna.
20:00: Trintxerpe musika bandarekin euskal kantak Gudari plazan. Antolatzailea: Trintxerpe Musika Banda.
- Abeslariak: Ane Perez eta Jon Anza
22:30: Jaietako txupineroek bandera jaitsiko dute. Zezen suzkoa eta jaien bukaera. Gernika plazan. Antolatzailea: Jai Batzordea
Ondokoak goizeko hainbat irudi eta Haurren Danborradako bideoa dira.
