Uhinetan ere egingo du eztanda txupinak
Txupinazoaren zuzeneko emisioaz gain, askaria eta zuzeneko kontzertua antolatu du Zintzilik Irrati libreak denboraldia amaitzeko.
Zintzilik Irratiaren Txupinazo emanaldia aurreko urte batean. Txupinazo festa egingo du aurten ere Zintzilik Irrati libreak. Festa hori hobekien egiten duen moduan egingo du, txupinazoa zuzenean uhinetara eramanda. Hortaz irrati bidez, zein Zintzilik Irratiaren egoitzaren kanpoaldea ere leku aproposak izango dira txupinazoa jarraitzeko beste eskaintza mota bilatzen dutenentzat. Txupinazo festa, gainera, ikasturteari agur esateko baliatuko dute, eta zuzeneko emanaldia amaituta festa antolatu dute irratiaren beheko solairuan. herritar guztiak gonbidatu dituzte “berotasuna eta elkartasuna” adieraztera.
Txupinazo saio bereziaren emanaldia 17:30ean hasiko dute FM 100ean . 19:30ean, berriz, jatekoa eta edatekoa izango dute eta ordu erdi geroago, musika zuzenean Paniko eta NGYZ taldeekin. Udako oporraldiaren ostean, irailean 35. ekinaldiari ekingo dio Zintzilik Irratiak, eta horren harira, Zintzilik Irratian parte hartzera animatu dituzte herritarrak.
