Santiagotan Bizkaia plazan aparkatzeko murrizketak izango dira
Txartel arrosa duten zenbait egoiliarrek aparkatu ahalko dute soilik Bizkaia plazan. Txartelak Donibaneko HAZ bulegoan banatuko dituzte bihartik aurrera.
Txartel arrosa duten egoiliarrek Bizkaia plazan aparkatu ahalko dute Pasai Donibaneko Santiago jaiak direla eta, hilaren 24tik 31ra Bizkaia plazan aparkatzeko murrizketak jakinarazi ditu Loreto Osa, Donibaneko alkateordeak. Txartel arrosa duten bizilagunek soilik aparkatu ahal izango dute. Donibane kaleko 1. zenbakitik 19ra eta 2. zenbakitik 28. etxera bizi direnek eskatu ahalko dute Txartel arrosa, betiere ibilgailua etxebizitza bere erregistratuta badute.
Eskariak Donibaneko Herritarren Arreta Zerbitzu bulegoan hilaren 18tik aurrera. Bulegoa astelehenetik ostiralera zabalik dago, 08:00etatik 14:00etara.
Enpresetako ibilgailuei dagokienez, ziurtagiria aurkeztu beharko dute, erroldatutako pertsona ibilgailuaren ohiko gidariak direla frogatzeko.
Bestalde, auto kopuruen gorakadari erantzun bat emate aldera, Nabalaldean kotxea aparkatzeko baimena emango die kanpoko zein herriko gidariei, hilaren 24tik 31ra, pabiloien sarrera oztopatu gabe. 24an, 26an eta 30ean, soilik arratsaldetan aparkatu ahalko da Kaian.
