Altamiran aparkatzeko txartelak berritzeko epea zabalik dago
Tomas Garbizu kalean aparkatu ahal izateko txartelak berritzeko epea urriaren 30 artekoa da. Hiru urteko iraupena izango dute txartel berriek.
Autoak aparkatuak Altamira auzoan. Altamirako Tomas Garbizu kalean aparkatzeko txartelak berritzeko epea zabalik dago, urriaren 30era arte. Txartel berrien iraupena hiru urtekoa izango da, 2020ko urtarrilaren 1etik, 2022ko abenduaren 22ra artekoa. 10 euroko prezioa du txartel berritzeak.
Eskaera egiteko honako baldintzak bete behar dira:
- Lezon erroldatuta egotea.
- Ibilgailua Lezon alta emanda egotea.
- Udaletxearekin zorrik ez izatea.
Eskaera egiteko bi bide daude aukeran:
- Aurrez aurre, udaleko informazio bulegoan (08:30-13:30).
- Internet bidez, Lezoko Udalaren webgunean, B@kq edo ziurtagiri elektronikoa erabiliz.
Eskaera egin eta txartela prest dagoenean, Udaltzaingoaren bulegoan jaso behar dira. Hori egiteko, udaltzainen deia jasoko dute eskatzaileek. Informazio gehiago izateko Udaltzaingora deia egin behar da (943 52 40 03)
