[Bideoa eta galeria] Denek nahi dituzte puntuak
Ahalik eta puntu gehien lortzea. Hori da Lezoko Herri Olinpiadetan parte hartzen ari diren kuadrillen helburua, eta atzo arratsaldetik hasita gogor ari dira saiatzen guztiak.
Hamabost taldek eta 150 lagunek eman dute izena Herri Olinpiadetan. Ahalik eta puntu gehien lortzea. Hori da Lezoko Herri Olinpiadetan parte hartzen ari diren kuadrillen helburua, eta atzo arratsaldetik hasita gogor ari dira saiatzen guztiak. Izan ere, puntu gehien lortzen dituzten lau taldeek jokatuko dute Final Handia irailaren 7an, Gazte Egunaren barruan, asko dute jokoan beraz.
Herri Olinpiadak gaur hasi dira. Goizez giro paregabea jarri dute parte hartzen ari diren 15 taldeetako kideek Karlos Saldise plazan. Primeran pasa dute borrokan gogor ibiliagatik ere, eta inguratu diren herritarrek ere primeran pasa dute. Irudi ederrak utzi dituzte Piztu Lezok antolatutako iniziatibaren harira. Bazkalostean segituko dute lehian, 16:30etik 18:30era zehazki. Alderdi fisikoa lantzen jarraitu beharko dute parte hartzaileek antolatzaileek atondu dituzten proba gogorrekin, baina baita jakinduria erakutsi ere, Euskal Herriko herriak identifikatu beharko dituzte eta.
Momentuz eta goizeko proben ostean, Kinky Hools UTD, Rufinos II, Rufinos I eta Kalearen Beste Aldean dira puntu gehien bildu dituzten taldeak, Baina Haur Bat Galdu Da atzetik dute, hurbil. Arratsaldeko saioan jakingo da nortzuk egingo duten jauzi Final Handira.
