Euskara ikastea doan izango da oiartzuarrentzat
B2 maila arte, euskara ikasketen %100 finantzatuko du Oiartzungo Udalak. Beti bezala, hainbat baldintza bete beharko dira.
Euskara ikasi nahi duten oiartzuarrek ez dute aitzakiarik, diru aldetik behintzat. Oiartzungo Udalak jakinarazi duenez, B2 mailara arteko euskara ikasketak %100era arte finantzatuko ditu.
Beti bezala, hainbat baldintza bete beharko dira horretarako. Honakoak izango dira hiru baldintza horiek: euskaltegi homologatu batean izena ematea; Oiartzunen erroldatua egotea; eta euskara eskoletara %85eko asistentzia frogatzea.
B2 mailatik gorako ikasleentzako, orain arte bezala, udalak beka sistema mantenduko du: ikasturtearen %70 arte ordainduko die.
Laguntzaren erdia ikasturte hasieran emango dute, eta gainontzekoa, bukaeran, asistentzien frogagiriak aurkezterakoan.
