Xorrolak aldaketa gehiago ditu, hobarienaz gain
Larunbat goizetan zerbitzua eskainiko Oiartzungo bost auzo lotzen dituen autobus berdeak. Atzo Mugi sisteman sartu zen, deskontuekin.
Larunbatetan ere hara eta hona ibiliko da autobusa. Xorrola autobus zerbitzua Mugi sistemaren barruan sartu zen atzo, Oiartzungo Udalak eta Gipuzkoako Garraioaren Lurralde Agintaritzak lortutako akordioari esker. Modu horretan, erabiltzaileek hobariak eta deskontuak jasoko dituzte. Hala ere, ez da Mugi sisteman sartzearena ez da berritasun bakarra izango.
Larunbat goizetan ere, Xorrolak zerbitzua emango du, abuztuko zerbitzuaren ordutegi berarekin: 07:10etatik 15:10era (Arraguako ordutegia). Herritarren eskariari erantzun dio udalak, eta kontratazioa egiterakoan kontuan hartu zuten eskaera hori.
Mugiren hobariak aprobetxatzeko asmoz, udalak oiartzuarrak gonbidatu ditu txartela egin dezaten. Herriko honako tokietan egin daiteke: Pikoketa estankoan (Arragua), Urrats paper-dendan eta Zapirain estankoan (Elizalde), Mamut merkatalguneko estankoan (Ugaldetxo) eta Internet bidez ere, Mugiren webgunean.
