Santakrutz Egunean, Muxiko Eguna
Lezoko Dantzazaleak taldeak hilaren 14rako antolatu du X. Muxiko Eguna. Bazkarirako txartelen ordainketa aldez aurretik egin behar da.
Lezoko Dantzazaleem saio bat, artxiboko irudian. Mamitsu dator Lezoko jaien egun handia, hilaren 14ko Santakrutz Eguna. Egun horretan egingo diren ekitaldi guztien artetik, Muxiko Eguna nabarmenetakoa. Lezoko Dantzazaleen esku geldituko da herria euskal dantzekin girotzea. Lezoko Dantzazaleen X. Muxiko Eguna izango da hilaren 14koa.
Eguna mamitzeko egitarau zabal ondu dute dantzari lezoarrek. Eguerditik norberak nahi duen arte, dantza egiteko aukera izango da. Jarraian, eguneko ordutegia:
- 12:00etan, Muxiko Egunaren hasiera Karlos Saldise plazan, Jaiki Hadi euskal musika taldearekin batera.
- Jarraian, Oreretako Trikitilariekin triki-poteoa bazkaltzeko ordura arte.
- 14:30ean, herri bazkaria Karlos Saldise plazan. Txartelek 21 euroko prezioa dute. Txartela eskuratzeko, kopuru hori honako kontu korronte zenbakian sartu behar da: 2100 5396 9001 0020 8616 (Caixabank). Apuntatzeko epea hilaren 10 artekoa da.
- 17:00etan, dantza solte txapelketa Gurutze Santuaren plazan.
- Ondoren, muxikoak herritik zehar.
