Gurutzeko festek girotuko dute irailaren erdialdea
Hilaren 13tik 15era ospatuko dituzte auzoko festak. Nikolas Urdanpilletari aitortza egingo diote, eta larunbat arratsaldean etena egingo dute, Bilbora joateko.
Aurten ere tortilla dastaketa egingo dute.
Uda bere azkenera iristen ari da, baina urtaroaren bukaerako egunak goxatzeko aukera bada oraindik. Horietako bat izango Gurutzeko festetakoa. Hilaren 13an eta 15ean bukatuko dira.
Auzoko jai batzordeak egitarau polita antolatu du egun horietarako. Hala ere, larunbat arratsaldeko ekitaldiak bertan behera utzi ditu, egun horretan manifestazioa egingo baitute Bilbon. 11/13 sumarioan auzipetuta dagoen Onintza Ostolaza oiartzuarrari zein gainontzeko 46ei elkartasuna adieraziko diete horrela.
Bertan behera utzi ez duten ekitaldia Nikolas Urdanpilletari egingo dioten aitortza izango da. Urdanpilletak ekarpena egin dio auzoari, antzerkigintzaren bitartez, eta egindako lan hori eskertuko diote. Orain dela 25 urte Gurutzen egindako Arta zuriketan antzezlana proiektatuko dute. Egun horretan bertan, 1994an jaio ez ziren bi aktorek antzezlan bat jokatuko dute, Goiatz Labandibarren ipuin batean oinarrituta. Honakoa da egitarau osoa:
Hilak 13
- 16:30ean: Lehen suziriak, festak hasteko.
- 16:30ean: Haur eta gaztetxoentzako jolasak eta gymkana.
- 18:00etan: Mahai tenis txapelketa. Saria: bi pertsonentzako afaria Tokin. Txokolate jatea ere ordu horretan hasiko da. Ondoren, buruhandiak auzotik ibiliko dira.
- 20:00etan: Kartelada.
- Arratsean: Ogitartekoak salduko dituzte, eta mahaiak jarri.
- 21:30ean: Antzerki Gauaren hasiera. Goiatz Labandibarren Behin mundua berea izan zen ipuinean oinarritutako antzezlana jokatuko dute Lohizune Telletxeak eta Luis Mitxelenak.
- Obraren ondoren, Nikolas Urdanpilletari aitortza eta Arta zuriketan antzezlanaren emanaldia.
- 22:00etan: XXXX. Truk Txapelketa, Bizardia elkartean.
Hilak 14
- 11:00etan: X. Tortilla Txapelketa. Osagaiak antolakuntzak jarriko ditu; dastatzeko ahoa eta sabela, hurbiltzen den edonork.
- 21:30ean: kantu afari herrikoia, norberak eramandako afariarekin.
- Arratsaldeko egitaraua bertan behera, Bilbora joateko deialdiarekin bat egingo dutelako.
Hilak 15
- 09:00etan: goiz eresia, auzoan zehar, txistulariekin.
- 10:30ean: meza.
- 11:30ean: esku huskako eta palako pilota partidak.
- 12:00etan: Oidultzek auzoa girotuko du.
- 13:00etan: Toka txapelketa.
- 14:00etan: Bertso bazkaria Jon Otegi eta Jokin Irastortzarekin, Bizardian. Izena emateko, honako zenbaki hauetako batera deitu beharko da: 606 63 90 97 (Mari Jose) edo 669 77 69 30 (Iosune).
- 17:30ean: Mazka itte lehiaketa, Mahalak lagunduta.
- 18:30ean: Gorriti Show: pottokak, zezen txikiak…
- Ondoren, buruhandiak.
- 20:00etan: Sardina jatea, auzoko plazan.
- 20:30ean: Festak bukatzeko, zezen suzkoa eta azkeneko suziriak.
