Urteurrena Txekiar Errepublikan ospatuko du Zaria Koruak
Txekiar Errepublikan barrena bira egiten ari da Zariagaz abesbatza. Bi emanaldi egin ditu bertan, arrakasta handiz biak, eta bira osatzeko gelditzen zaizkion beste bi emanaldiak gaur eta bihar egingo ditu Nachod hirian.
Abesbatzak Novy Borren egindako emanaldiaren irudi bat. Argazkia: Zaria Koru Eskola. Txekiar Errepublikan barrena bira egiten ari da Zariagaz abesbatza. Bi emanaldi egin ditu bertan, arrakasta handiz biak, eta bira osatzeko gelditzen zaizkion beste bi emanaldiak gaur eta bihar egingo ditu Nachod hirian. Biharko emanaldia oso berezia izango da Zaria Koru Eskolarentzat, izan ere, laugarren urteurrena beteko du.
Errenteriako Zaria Koru Eskolako Zariagaz gazteen abesbatzako 13 eta 22 urte arteko 50 gazte ari dira bira egiten, Imanol Elizasu zuzendariarekin batera. Susiceko eta Novy Bor-en egin dituzte lehen bi emanaldiak eta bertan, Junkal Guerrero, Aita Donostia, Jesús Guridi, Nemesio Otaño eta beste hainbat euskal musikagileen obrak abestu zituen Zariagazek. Euskal egileen lana zabaltzeaz gain, nazioarteko musikagileen estilo anitzeko lanak ere aurkeztu zituzten. Bietan entzuleek txalo zaparradaz erantzun zioten gazte errenteriarren emanaldiari.
Hilaren 10ean amaituko dute bira, eta ordurako bete betean izango da Zaria Koru Eskola matrikulazio kanpainan. Kantuan ikas, goza eta bizi nahi duen orok emailera idatzita eman dezake izena, edota 635 200 962 telefono zenbakira deituta. Zaria Koru Eskolaren webgunean informazio guztia aurki dezakete interesdunek.
