Bigarren eskuko bizikleten azoka, ostiralean
Bizikletak saldu eta erosteko aukera izango da bertan, baina ez horiek bakarrik, mugikortasun iraunkorrarekin lotutako bestelako tresnak ere jasoko dituzte bertan, hala nola, patinak, patineteak, trizikloak, osagarriak.
Bizikleten azokaren irudi bat aurreko urte batean. Argazkia: Herri Bizia. Bigarren eskuko bizikleten azoka egingo dute ostiralean Gamon Zumardian. Bizikletak saldu eta erosteko aukera izango da bertan, baina ez horiek bakarrik, mugikortasun iraunkorrarekin lotutako bestelako tresnak ere jasoko dituzte bertan, hala nola, patinak, patineteak, trizikloak, osagarriak.
Arratsaldez izango da zabalik, 16:30etik 20:00etara. Doako gordailu sistema salerosketa izango da pertsona guztientzat, eta bertan, antolakuntzako kideak arduratuko dira zainketaz eta salmentaz, saldutako artikuluen dirua emanez eta saldu ez direnak jabeei itzuliz 20:00ak baino lehen. Ez da onartuko 500 euro baino prezio garestiagorik salmentarako eramandako bizikletetan.
