Errenteria Atletismo Taldeak prest du ikasturterako eskaintza
Errenteria Atletismo Taldeak eskola, eta federatuen, running nahiz entrenamendu funtzional taldeak izango ditu. Hilaren 19an aurkeztuko dituzte taldeak.
EATko hainbat kide, aurreko sasoiko lehia batean. Errenteria Atletismo Taldeak (EAT) oparo helduko dio sasoi berriari. Hala, kirol elkartearen buruek jakinarazi dute taldearen aurkezpena hilaren 19an, 18:00etan egingo dute Mikel Odriozola estadioan; 19:00etan taldekideen argazki handia egin nahi dute.
Horrez gain, duten eskaintzaren berri emateko baliatu dute aukera. Lau arlotan ari daitezke hala nahi dutenek EATrekin atletismoan. Honakoak dira:
Atletismo eskola
Haurrentzat atletismoko hainbat arlotan trebatzeko aukera (abiadura, hesi lasterketak, fondoko lasterketak, jaurtiketak, luzera jauzia…). Irailaren 20an hasiko dira entrenatzen. Benjaminek (2010-11 urteetan jaioak) eta Kimu Mailakoek (2008-09) astearte eta ostiraletan egingo dituzte entrenamenduak, 17:30etik 18:30era; Haur Mailakoek (2006-07) eta kadeteek (2005) astearte, ostegun eta ostiraletan entrenatuko dute, 18:00etatik 19:30era.
Izena emateko deitu 676 139 163 telefono zenbakira edo idatzi hemen sakatuz posta elektrokinoz.
Federatuen taldea
Atletismoko probaren bat prestatu nahi dutenentzako taldea da. Abiadurako, fondo erdiko, fondoko, jaurtiketako, jauziko edo kroseko modalitateak presta daitezke. Talde honetan aukera dago bertako eta estatuko probetan parte hartzeko. Entrenamenduak astearte eta ostegunetan dira, 17:·0etik 19:00etara (gehiago entrenatzeko aukera dago).
Running taldea
Taldean, runningaz gozatzeko aukera ematen du, horretarako beharrezkoak diren baliabide eta informazio nahiz trebakuntza jasoz. Astearte eta ostegunetan dira entrenamenduak: eguerdian 13:45etik 14:45era, eta arratsaldean 17:30etik 18:30era edo 19:00etatik 20:00etara.
Izena emateko deitu 675 663 904telefono zenbakira edo idatzi hemen sakatuz posta elektrokinoz.
Entrenamendu funtzional taldeak
Indarra, koordinazioa, mugikortasuna eta oro har alor fisikoa hobetzeko taldeak. Era osasungarri eta dibertigarrian entrenatzeko aukera. Astelehen eta asteazkenetan dira entrenamenduak, goizez 09:30etik 10:30era, eta arratsaldez 18:00etatik 19:00etara edo 19:00etatik 20:00etara.
Izena emateko deitu 675 663 904telefono zenbakira edo idatzi hemen sakatuz posta elektrokinoz.
