Erretiratuak martxan jarriko ditu berriz ere 'Tipi-Tapa' egitasmoak
Abian da hirugarren urtez 'Tipi-Tapa', Pasaiako erretiratuen artean ibilaldi osasuntsuak bultzatzen dituen programa. Antxo, Donibane eta Trintxerpeko erretiratu elkarteak batuko dira aurten.
'Tipi-Tapa' Ibilaldiak Pasaiako lau barrutietan antolatuko dira. Tipi Tapa programak, Pasaiako lau barrutietako herritarrei jarduera fisikoa egiteko aukera ematen die, ibilaldiak antolatuz. Dena dela, kirola aitzaki hartuta, ibilaldi hauek lagun artean ongi pasatzeko eta Pasaiako natura zein hiri ibilbideak ezagutzeko egitasmoa da.
Adin guztietako erretiratuek hartu dezakete parte. Erretiratuen elkarteek kudeatuko dute programa eta Pasaiako osasun zentro guztien ikuskaritza eta babesa jasoko dute. Ibilaldi bakoitza aldez aurretik zehaztutako ordutegian egingo dituzte eta barruti bakoitzeko leku jakin batetik abiatuko dira; Donibanen kiroldegitik, Trintxerpen alkateordetzatik, Antxon Ibaiondo frontoitik eta San Pedron gimnasiotik. Parte hartzeko, nahikoa izango da aipatutako lekuetara joatea eta une horretan izena ematea. Doakoak izango dira.
Tipi-Tapa ibilaldiak hilaren 16an hasiko dira San Pedron 9:30tan. Hurrengo saioak izango dira; Donibanen urriaren 3an 10:30tan, Trintxerpen urriaren 4an 10:30tan eta Antxon urriaren 4an 10:30tan. Arropa erosoa eta ur botila bat eramateko gomendioa egin du Pasaiako Udalak.
Tipi-Tapa programaren nondik norakoak Pasaiako Udalaren webgunean daude. Informazio gehiagorako, deitu 634555046 telefonora edota honako helbide elektronikora idatzi.
