Zentzumenen bidearen azken etapa antolatu du Urdaburu elkarteak
Hilaren 21ean egingo dute bira eta Soncillo eta Puentedey herriak lotuko dituzte.
Burgosko Soncillo herritik abiatuko dira. Zentzumenen bidearen 11. eta azken etapa egingo du Urdaburu Mendizale Elkarteak hilaren 21ean. Burgosko Soncillo eta Puentedey herriak lotuko ditu zeharkaldi horrek, eta bidean, Lezearen errotatik eta Quintanavaldotik pasako dira lau orduko iraupena izango duen zeharkaldian. Eguna ondo amaitzeko, gainera, bazkaria egingo dute inguruko jatetxe batean.
07:30ean irtengo dira Zumardiko autobus geltokitik, eta 07:45 Aritzetatik. Izena eman nahi dutenek Urdaburu elkartearen egoitzara jo behar dute astearte eta ostegunetan 19:00etatik 21:30era edo 943 527 879 telefono zenbakira deitu ordu eta egun beretan. Formularioa beteta ere eman daiteke izena.
