[Galeria] Baserritar Eguna azken kartutxoak erretzeko
Munduko dantzen ikuskizuna, buruhandi eta erraldoien kalejira, patata tortilla lehiaketa edo bertso saioa izango dira arratsaldean.
Ganadu feria egin dute gaur Lezon. Santakrutzek azken eguna dute gaur. Baserritarren eguna da gaurkoa eta goizetik hasita ganadu feria izan da Josetxo Etxandi frontoian, baita idi dema ere leku berean eguerdian. Lastur baserriko behi pintoentzat izan da sarietako bat, eta Darietarenak izan dira idi onenak. Txekorren txapelketan, Olamarta baserrikoak izan dira nagusi, suizetan Sagarzulo, eta Etxetxiki baserriko migak izan dira irabazleak. Sari banaketa eginda, Tiñelu elkarterra bildu dira bazkaltzera baserritarrak.
Arratsaldeko egitaraua idi demak zabalduko du 18:00etan, baina bestelako kontuak gustukoago dituztenentzat bada non aukeratu: Munduko dantzen ikuskizuna, buruhandi eta erraldoien kalejira, patata tortilla lehiaketa edo bertso saioa izango dira. Azken hori goi mailakoa, gainera, Andoni Egaña, Sebastian Lizaso, Irati Alcantarilla eta Jokin Irastorza arituko dira oholtza gainean gurutze Santuaren plazan 20:00etan hasita amaia Agirrek jarritako gaiei erantzuten. Afari merienda ere antolatu dute, eta afaria norberak eraman beharko badu ere, sagardoa udalak jarriko du. Musika bandaren emanaldiarekin eta zezen suzkoarekin amaituko dira jaiak.
Irailak 16, astelehena, baserritarren eguna.
- 18:00: Idi demaren saioa probalekuan.
- 18:30: Munduko dantzak. Talde eta estilo ezberdinen dantza eskitaldia Zubitxoko plazan.
- 19:00: Buruhandi eta erraldoien kalejira Munttar Lezoko Txistulari Elkartearekin Karlos Saldise plazatik.
- 19:00: Patata tortilla lehiaketa eta Maria Lasa eta Irati Irurtzun trikitilariak Zubitxoko plazan. Izen emateak Lezotarra, Itzel Tiñelu eta Azkena tabernetan.
- 20:00: Bertso saioa Gurutze Santuaren plazan: Andoni Egaña, Sebastian Lizaso, Irati Alcantarilla eta Jokin Irastorza. Gai-jartzailea: Amaia Agirre.
- 20:00: Afari-merienda herrikoia eta Trikitixa Zubitxoko plazan. Bakoitzak bere afaria, udalak sagardoa.
- 21:45: Tomas Garbizu Lezoko Udal Musika Eskolako bandaren emanaldia Gurutze Santuaren plazan. Jarraian, zezen suzkoa.
