Fanderiako igogailua zerbitzuz kanpo izango da urria erdialdera arte
Matxura garrantzitsu bat dela eta, Fanderiako igogailua urriaren erdialdera arte zerbitzuz kanpo izango da.
Fanderia eta Agustinen arteko igogailua Matxura garrantzitsu bat dela eta, Fanderiako igogailua urriaren erdialdera arte zerbitzuz kanpo izango da. Udaletik zehaztu dutenez, ordezko piezak eskuratzeak eta lanak egiteak eragin dute epearen luzera. Pistoi hidraulikoa ordezkatu behar dute, mantenu teknikariek egungoak konponketarik ez duela ondorioztatu baitute. Pistoia ordezkatzeak 18.000 euro balio ditu eta materialaren hornidura eta lanen exekuzioa kontutan hartuta, konponketa ez da urriaren 18a baino lehenago amaituko.
Igogailuak martxan izateak duen garrantziaz kontziente dela esan du udalak eta barkamena eskatu die erabiltzaileei, “bereziki, zerbitzuaren beharrik handiena dutenei”.
