Ubera liburutegiak Gau Beltza lantzeko ikastaroan parte hartuko du
Gau Beltza edota 'Halloween', izango dute bihar hizpide Eibarko Markeskoa Jauregian. Euskal Herriko zenbait kultur eragile bilduko dira, Gau Beltza antolatzeko oinarri teoriko eta praktikoak adostu eta partekatzeko.
Gau Beltza, edota 'Halloween' izango dute hizpide bihar Eibarren Mundua geroz eta globalizatua dagoen honetan, atzerriko eragin kulturala geroz eta agerikoagoa da euskal gizartean, onerako eta txarrerako. Halloween inportatutako jai horietako bat da. Duela 20 urte Filmetako jai arrotza zena, geroz eta jarraitzaile gehiago ditu, batez ere belaunaldi gazteenengan eta ondorioz, haien gurasoengan ere bai.
Gau Beltza ordea, ez luke hain arrotza izan beharko Euskal Herriarentzat. Domu santuaren eguna adibidez, luzaz ospatu izan da Euskal Herrian, Europako beste leku askotan bezala. Jai horren bueltan, erritu ezberdinak burutzen ziren eta kalabazak, mozorroak eta gozokiak azken urteetan gehitutako elementuak dira.
Jaia izango dute eztabaidagai hainbat eragile kulturalek bihar Eibarko Markeskoa jauregian. Gizartean geroz eta errotuagoa dagoen Gau Beltza bere egingo dute, tokiko nortasun eta ekarpenei uko egin gabe. Itzalitako Kalabazaren berpiztea, ikerketa etnografikoa oinarri hartuta, Gau Beltza antolatzeko baliabideak eta gida emango ditu Euskaltzaleen Topaguneak.
UEUk antolatutako jardunaldia goizeko 9:30tan hasiko da eta bertan izango da, Marga Anzuela, Donibaneko Ubera liburutegiaren arduraduna. Nola egin dugu? Herrietako antolatzaileen esperientziak izeneko, testuingurua parte hartuko Anzuela, Pasaian egindakoen berri emateko. Era berean, besteen ekarpenak ere aintzat izango ditu eta ikasitakoa herrira ekarriko ditu.
