Orratx Ttikik ateak zabalik ditu
Orratx Ttikin izena emateko epea irekita dago. 7-10 urte artekoentzako nahiz 11-13koentzako eskaintza zabalik du Lezoko antzerki taldeak.
Kide bila dabil Orratx Ttiki. Lezoko Orratx Ttiki antzerki taldea kide bila dabil. Antzerkigintzan erreferente da Orratx Antzerki Taldea, ez bakarrik Lezon, eskualdean ere. Hortaz, txikitatik antzerkiaz eta antzerkigintzaz goza daitekeelako, erreferentzialtasun horrekin jarraitzeko, eta Lezoko kultur panoramari aberastasuna emateko, Orratx Ttiki ere lanean ari da. Eta jada zabalik ditu ateak nahi dutenek izena eman dezaten.
Hala, Orratx Ttikin izena emateko, bi deialdi daude: 7-10 urtekoek asteazkenetan eman behar dute izena Kale Nagusiko 3. zenbakiko lokalean 17:00etatik 18:30era; 11-13 adin tartekoek, berriz, ostiraletan izango dute horretarako aukera, 17:00etatik 18:30era.
Telefonoz ere egin daiteke harremana antzerki taldekoekin, 647 275 526 (Mertxe) eta 651 706 591 (Begoña) telefono zenbakietara deituz. Posta elektronikoa ere balia daiteke antzerkigileekin bat egiteko.
