Antzerki arratsaldea antolatu du Alaia Elkarteak
Antzezlan bat ez, bi ikusteko parada izango da, gainera: 'El invitado intruso' eta 'Comunicado de muerte'. Niessen kulturgunean izango da emanaldia 19:00etan hasita.
Emanaldien aurkezpeneko argazki bat. Argazkia: Alaia Elkartea Antzerki emanaldia antolatu du alaia Aisialdi taldeak larunbat arratsalderako. Antzezlan bat ez, bi ikusteko parada izango da, gainera: El invitado intruso eta Comunicado de muerte. Niessen kulturgunean izango da emanaldia 19:00etan hasita.
Aitor Navarro Torrontegiren lana da El invitado intruso eta Asier Hernandezek zuzendu du. Laura Muñoz eta Aitor Navarro bera dira aktoreak, eta komedia zoroa da Suhai antzerki taldearena. Patuaz, unibertsoaren erakartze legea, eta gizakien konplexutasunaz mintzo da antzezlana. Korapilo mordoa askatzeko, eta ezer ez da dirudiena. Lanak gidoi original onenaren saria lortu du Antzez-Motz antzerki laburraren lehiaketan.
Banarte Antzerki Taldearena da Comunicado de muerte antzezlana, eta bi zatik osatzen dute: Ultima apelacion eta Comunicado de muerte. Askatasunaren aldeko borroka eta berorren kontraesanez mintzo da 1960 eta 1970 urteetan girotuta. Rafa Hercek eta Eduardo Pombarrek idatzita 2017ko antzerki sozialaren Espainiako arte Eszenikoen Sari Handia jaso du baita zuzendari onenaren saria Antzez-Motz antzerki laburraren lehiaketan. Dolma Romera, Maria Otxandiano, Rafa Herce e ta Edu Pombarren eskutik helduko da antzezlana.
Ultima apelacion bi emakumeren arteko boroka dialektikoa da, bateraezin diren bi bandoak. Comunicado de muerte errealitatean oinarrituta dago; Salvador Puig i Antich, bere exekuzioa eta Jesus Irurre espetxe funtzionarioa eta bere artean sortutako adiskidetasunaz mintzo da. Bi estaien artekoa diskidetasuna, mundua ulertzeko bi modu, bizitzeko bi ere ezberdin. Kataluniar anarkista izan zen Puig i Antich. Tribunal Militar batek epaitu ondoren, erregimen frankistak hil egin zuen. Bartzelonan bere bila zebiltzanean jazotako tiroketa batean hil zen Francisco Anguas Barragán polizia hil izana leporatu zioten.
Alaiak herritar guztiak animatu ditu antzerkiarekin gozatzera larunbatean.
