Ipuin kontaketa, kontzertuak eta hitzaldia, Mikelazuloren eskaintza
Urria indartsu heldu da Mikelazulo Kultur Elkartera. Hori ikusteko, atondu duten agenda begiratzea baino ez dago: ipuin kontaketa, erakusketa, hitzaldia eta kontzertuekin osatu du egitaraua.
Zoa Mezak ipuin kontaketa egingo du helduentzat igandean. Urria indartsu heldu da Mikelazulo Kultur Elkartera. Hori ikusteko, atondu duten agenda begiratzea baino ez dago: ipuin kontaketa, erakusketa, hitzaldia eta kontzertuekin osatu du egitaraua. Lehenengo hitzordua, igandean, Nikaraguako Zoa Mezak ipuin kontaketa egingo du 19:00etan hasita helduentzat. Ez dira nolanahiko ipuinak, ezinbestekoak, oinarrizkoak baizik.
Hilaren 19an, berriz, musika emanaldia izango da, kontzertu akustikoa zehazki. Ilargi bakarlari lezoarra arituko da 19:00etan hasita. Kolonbiako bake prozesuaren gaineko hitzaldia antolatu dute hilaren 23an Bilboko Jorge Adolfo Freytter Romero elkarteak antolatuta. Hori ere 19:00etan hasiko da. Bigarren kontzertuko protagonista Galiziako Vietcong taldearen eskutik helduko da hilaren 26an 18:00etan, eta aurretik, Itxaro Bordak Bustinezko etorkizuna testua irakurriko du IbonRGren musikak lagunduta.
Hurrengo hitzordua berriz, ikus entzunezkoekin. Zehazki, Zarauzko zineforumean egin duten Lou dokumentala ekarriko du Mikelazulok, eta egileak ere bertan izango dira. Hilaren 30ean izango da hori, asteazkenarekin 20:00etan hasita.
Egitaraua borobiltzeko berriz, hilabete osoan zehar erakusketa izango da Mikelazulo elkartean: Maddi Guevara zarauztarraren Basoa erakusketa. Akuarelan marraztutako hamar koadrorekin osatutako erakusketa da.
