Lezora etorri berrientzako, euskara
Lezon AISA egitasmoaren barruko euskara eskolak jaso ahal izango dituzte munduko beste herrialdeetako lagunek. 60 orduko ikastaroa da.
Ikastaroen berri emateko kartela. Oarsoaldeko Euskara Batzordeak aurten ere AISA euskara eskolak antolatu ditu. Lezora munduko gainerako herrialdeetatik etorri berri diren eta Lezon erroldatuta dauden 16 urtetik gorakoei zuzenduta daude eskolak. AEK euskaltegiekin elkarlanean garatutako egitasmoa da, eta Lezoz gain, Oiartzunen ere abiatuko dute. Beraz, Lezon, Oroitzene AEKn emango dituzte eskolak.
AISA eskolen bitartez euskarara lehen hurbilpena egitea da asmoa, ondorenean, euskaltegien ohiko eskaintzara urratsa egiteko moduko lehen oinarria izatea. 60 orduko ikastaroa da, urriaren 21etik otsailaren 14ra, asteko lau orduko erritmoan.
Horietan izena emateko epea zabalik dago (6 euroko prezioa du matrikulak). Lezon, Oroitzene AEKn (Donibane kalea 12, behea. 943 51 91 44) edo Euskara Zerbitzuan (Donibane kalea 2, behea. 943 51 34 76) eman daiteke izena. Hilaren 10 artekoa da izena emateko epea.
