Buruzagi presoak askatzeko eskatu dute udal langileek
Gehiengo sindikalak deituta Pasaiako udal langileek elkarretaratzea egin dute, Kataluniar herriari elkartasuna adierazteko, eta erabakitzeko eskubidearen defentsa egiteko.
Udaletxearen aurrean egin dute elkarretaratzea Katalunian greba orokorra dute gaur. Preso diren buruzagi independentistak askatu ditzaten, eta bozkatzea ez dela delitua esateko geldituko dute gaur Katalunia. Era berean Kataluniatik kanpo datorren elkartasun olatuak ez du etenik. Pasaiako udal langileak, elkarretaratzea egin dute gaur goizean, erreferenduma ez da delitua lelopean, Kataluniari babesa adierazteko eta erabakitzeko eskubidearen kontrako erasoa salatzeko.
Gehiengo sindikalak elkarretaratzeak deitu ditu gaur Oarsoaldeko herri guztietan. Pasaian izan da lehena 9:45ean, udaletxearen aurrean. LAB eta ELA sindikatuek gidatuta, hainbat arloetako udal langileak haien jarduna eten dute tarte batez, presoen askatasuna eskatzeko eta epaia neurri gabekoa dela salatzeko. Pankarta handiaren atzean bestalde, Altsasuko gazteen aldeko kartelak ere atera dituzte.
EH Bildu eta Podemos, Equo Berdeak alderdien ordezkari batzuk ere bat egin dute deialdiarekin. Bi alderdiek, EAJrekin batera Kataluniari elkartasuna adieraziko diote adostutako mozio baten bidez, hurrengo udal batzarrean.
Elkarretaratzea amaitu baino lehen, borrokak jarraitzen duela gogorarazi dute antolatzaileek, eta bihar Donostiara joateko eskatu dute. Manifestazio erraldoia egingo dute bihar Donostian, Antigua auzotik abiatuta 17:30ean.
Udaletxekoaz gain, herrian izan dira bestelako bat egiteak gaurko deitutako mobilizazio egunarekin. Behean bi adibide: Portuko eta Pasaia-Lezo Lizeoko langileak dira.
-
- Portuko langileak.
-
- Pasaia-Lezo Lizeoko langileak.
