Larruzko pilotako finalera heldu dira EPLEkoak
EPLEko Eskisabelek eta Rubenek garaipena eskuratu eta finalera pasatzea lortu dute.
Eskisabel eta Ruben partida amaituta Agustina Oatola frontoian. Argazkia: EPLE Larruzko Palako Lehen Mailako finalerdia jokatu zen asteburuan Agustina Otaola udal pilotalekuan eta EPLEko Eskisabelek eta Rubenek garaipena eskuratu eta finalera pasatzea lortu zuten. Real Sociedad Klubeko Brosa eta Vigeon 35-26 irabazi zituzten EPLEkoek. Garaipen nabarmena izan zen, eta EPLEkoek txapelketa guztian bezala goitik ibili ziren.
Bigarren mailako larruzko paletan tanto bakarrera gelditu ziren EPLEko Euyheramendy eta Yorel, eta hala, ez dute lortu finalera heldu eta lehen mailara pasatzeko txartelik. 35-34 galdu zuten Oiangu klubeko Ibarguren eta Agirreren aurka, nahiz eta aurretik ibili ziren eta 31-34 ere izan ziren markagailuan. Txapelketa bikaina EPLEko bi pilotariena.
Asteburuan Montxo Jimenez txapelketaren finala jokatu dute bestalde; ostiralean izan zen. EPLEko M igeltorena eta Zangituk irabazi zuten 8-22 utzita markagailua J Jimenez eta P Jimenezen aurka.
