Oiartzungo baserritarrek produktu fitosanitarioen aplikatzaile titulua atera dezakete
Behemendik antolatutako ikastaroak sei eguneko iraupena izango du. Horiek egin, eta azterketa gainditzen dutenek titulua jasoko dute.
Ikastaroa sei egunetakoa da. Oiartzungo Udalak jakinarazi duenez, herriko baserritarrek produktu fitosanitarioen aplikatzaile titulua atera dezaten ikastaroa emango du Behemendik herrian. Hori eginda, titulua eskuratzeko aukera dute bertan izena ematen dutenek, azterketa gainditzen badute. Izena emateko aukera azaroaren 7ra arte dago zabalik, Behemendin (943 49 02 19ra deituz edo posta elektronikora idatziz). Azaroan eta abenduan zehar egingo den ikastaroaren prezioa 50 eurokoa da.
Produktu horiek erabiltzen oinarrizko ezagutza lortuko dute titulua eskuratzen dutenek. Sei egunekoa da ikastaroa. Azaroaren 18, 20, 35 eta 27an nahiz abenduaren 2 eta 4an (saio guztiak arratsaldez dira) emango dituzte eskolak Elorsoro kiroldegiko bilera gelan. Irakasleak, honakoak: Luis Cebrian etan Egoi Martieda, biak Fraisoro eskolakoak. Baldintza bat: ikastaroa abia dadin, gutxienez 30 laguneko taldea osatu behar da.
Landuko diren gaiak, hauek: laboreen izurriteak; produktu fitosanitarioak; kontrol neurriak; garraioa eta biltegiratzea; arriskuen prebentzioa; produktu fitosanitarioak aplikatzeko metodoak; lehen sorospena eta aplikazio ekipoak.
