Pasaiako kirol taldeen asteburuko emaitzak
Jardunaldi gorabeheratsua izan Pasaiako kirol taldeentzat. Sanpedrotarrak sendotasuna erakutsi zuen eskualdeko derbian eta Allerru 3-1 hartu zuen mendean.
Antxo AFk hiru puntu garrantzitsu lortu zituen Galdakaon. Argazkia: Antxo AF Era guztietako emaitzak utzi ditu asteburuak Pasaiako kirol taldeentzat. Larunbatean, Pasaia Kirol Elkarteak bana berdindu zuen Santurtziren aurka, Jesus Mari Zamoran. Sasoiko partidarik apalena jokatu zuten pasaitarrek. Santurtzik azkar sartu zuen gola. Pasaiak gaizki defendatutako jokaldian, Aritzek bizkaitarrak aurreratu zituen 12. minutuan.
Norgehiagoka motel bezain trabatua izan zen larunbatekoa. Santurtzik jokoa bere aldera eraman zuen, eta Pasaia ez zen gai izan ohiko joko bizkor eta bertikala berdegunera eramateko. Hala ere, antxokoek ez zuten amore eman, eta borrokaren bidez, saria lortu zuten. Luzapenean sartu zuen gola Aratzek, penalti bidez. Puntu bana talde bakoitzarentzat, nahikoa.
Sanpedrotarrak bestalde, etxean, Trintxerren hartu zuen Allerru. 3-1 irabazi zuten moreek eskualdeko derbian. Aipamen berezia merezi du ordea, neska gazteek egindakoa; Derbia zuten haiek ere Oiartzunen aurka eta ez zieten inongo aukerarik eman- 7-0 irabazi zuten sanpedrotarrek. Trintxerpek ordea, asteburu gazi-gozoa izan du. Gizonen talde nagusiak garaipena lortu zuen, etxetik kanpo gainera, baina beste taldeen emaitzak ez positiboak.
Areto futbolari dagokionez, Antxo Areto Futbolak, aurreko astekoa ahaztu eta garaipen berri bat lortu zuten Galdakaoren aurka. 2-8 hartu zituzten mendean bizkaitarrak. 4 gol jaso zituzten antxotarrek, baina partida kontrolpean izan zuten lehen minututik.
Eskubaloiari dagokionez, buru makur daude Donibane Eskubaloia, bi taldeek galdu zuten eta. Pasaiako Trintxer hockey taldeak ere galtzaile izan zen, Jolasetaren aurka jolastutako partidan.
Jarraian, Pasaiako kirol taldeen emaitzak.
FUTBOLA
3. Maila
- Pasaia K.E.-Santurtzi, 1-1
Gizonen Erregional Preferentea
- Sanpedrotarra-Allerru, 3-1
Emakumeen Gorengo Maila
- Trintxerpe-Hondarribia, 0-1
Gizonen Lehen Erregionala
- Behobia-Trintxerpe, 2-4
- Pasaia K.E.-Mariño, 3-2
Gizonen Gazteen Ohorezko Maila
- Santo Tomas Lizeoa-Pasaia K.E. 2-1
- Hernani- Trintxerpe 3-1
Gizonen Gazteen Lehen Maila
- Landetxa-Pasaia, 3-0
- Sanpedrotarra-Oiartzun, 7-0
ARETO FUTBOLA
Gizonen 3. Maila Nazionala
- Galdakaoko Lagun onak-Antxo AF Pescados Alberto Ferreres, 4-8
Emakumeen Gipuzkoako Liga
- Eguzki Garoa Taberna-Sanpedrotarra, neurketa atzeratua.
Gizonen Gipuzkoako Bigarren Maila
- Bilkoin Legorreta-Donibane, 5-6
ESKUBALOIA
Gizonen Gipuzkoako Lehen Maila
- Ordizia-Donibane, 24-22
Gizonen Gipuzkoako Bigarren Maila
- Donibane-Txingudi, 17-23
BELAR HOCKEYA
Gizonen Ipar Liga
- Pasaiako Trintxer-Jolaseta, 1-2
