Trabajadorien egia, Gaztaño auzora
Gaztañoko Sorguneak aste honetan hasiko du hitzaldi zikloa. Sortako lehenengoa, Trabajadoriak, frankismoaren gatibuak Oarsoaldean bideo emanaldia eta hitzaldia izango da.
Trabajadoreak Jaizkibelen, otordua egiten. Argazki bakarra da Gaztañoko Sorguneak aste honetan hasiko du hitzaldi zikloa. Sortako lehenengoa, Trabajadoriak, frankismoaren gatibuak Oarsoaldean bideo emanaldia eta hitzaldia izango da. Trabajadorien egia, bizi zutena, Oiartzungo Kattin Txiki taldearen eskutik helduko da Gaztañora etzi (asteazkena) 19:00etan.
1939tik 1942ra frankistek 12.500 lagun behartu zituzten Pikoketako, Arkaleko, Aritxulegiko eta Jaizkibelgo errepideak egitera. Trabajadoriak ziren, hala deitzen zituzten herritarrek. Kattin Txiki Oiartzungo memoria historikoaren elkartea da eta besteak beste, Trabajadoriak, frankismoaren esklabuak Oarsoaldean dokumentala aurkeztu zuen 2015. urtean.
