Zor dizkien soldatak ordaintzeko eskatu diote Larrialdiak SL enpresari
LAB sindikatuak salatu duenez, langileei bi nomina zor dizkiete, udako paga eta finikitoa.
Pankartak jartzen hasi dira langileak, zor dizkieten soldatak ordaintzea eskatzeko. Larrialdiak SL gaixoak anbulantzian garraiatzen ditu Gipuzkoako hainbat eremutan, tartean Oarsoaldean, Osakideztak azpikontratatuta. Urriaz geroztik beste enpresa batek kudeatzen du zerbitzu hori. LAB sindikatuak salatu duenez, langileei bi nomina zor dizkiete, udako paga eta finikitoa. Sindikatuak jakinarazi duenez, soldata erreklamatzeko salaketak jarri dituzte langileek dagoeneko Larrialdiak SL enpresaren aurka, baina prozedurak hilabeteak iraun ditzake, eta horren harira, anbulantzietako langileek enpresak presionatzeko mobilizazioekin hasteko asmoa azaldu dute. Halaber, Larrialdiak SLrekin batera lankidetzan ari diren Erbi Bus, eta Servicios Sanitarios Generales SSG enpresak ere interpelatu dituzte langileek LAB sindikatuaren arabera.
Oraingoz, pankartak jartzen hasi dira soldatak ordaintzeko eskatzeko.
