Lokal batean lapurretan ari ziren hiru gizon atxilotu dituzte goizaldean
19 eta 20 urte artekoak dira hiru atxilotuak, eta indarra erabiliz lapurreta egitea leporatuta atxilotu dituzte goizaldeko lehenengo orduan.
Ertzaintzak atxilotu egin du bide segurtasunaren aurkako delitua leporatuta. Pasai Antxoko Blas de Lezo kaleko lokal batean lapurretan ari ziren hiru gizon atxilotu dituzte goizaldean Ertzaintzak eta Udaltzaingoak elkarlanean. 19 eta 20 urte artekoak dira hiru atxilotuak, eta indarra erabiliz lapurreta egitea leporatuta atxilotu dituzte goizaldeko lehenengo orduan. Hainbat bizilagunek deitu dute hiru pertsona lokal bateko sarbideak behartzen ari zirela esanez, eta esandako lekura joan dira udaltzainak eta Ertzaintzaren herritarren babeserako patruilak. Lokalaren kanpoaldean zelatan zegoen pertsona identifikatu dute.
Leihoetako baten kristala apurtuta zegoela egiaztatu dute bertaratu diren udaltzain eta ertzainek, eta pertsianak hainbat listoi kenduta zituela. Barrualdea miatzera sartzerakoan, agenteek lapurretan zeuden beste bi gizon aurkitu dituzte, gela ezberdinetan ezkutatzen saiatu badira ere. Hiru gizonak, 19 urteko bat eta 20 urteko bi, indarra erabiliz lapurreta egitea leporatuta atxilo eraman dituzte.
