Badiaren etorkizuna eztabaidagai izango dute bihar Donibanen
Euskadiko Podemos/Ahal dugu-k 'Pasaiako badiaren etorkizuneko erronkak' mahai ingurua antolatuko du bihar Donibaneko Juanba Berasategi auditorioan 19:00etatik aurrera.
Pasaiako badiaren etorkizuna izango dute eztabaidagai Juanba Berasategin. Azken asteotan Pasaiako Portua behin baino gehiagotan izan da albiste, bertan eman diren isurketa eta bestelako kutsadura kasuak direla eta. Gertakari horiek kezkaz jaso dituztenak, portu eredu ezberdin baten berri izango dute bihar Donibanen.
Euskadiko Podemos/Ahal Dugu alderdiak Pasaiako Badiaren Etorkizuneko Erronkak mahai ingurua antolatuko du, Pasaiako Zirkuluaren laguntzarekin. 19:00tan hasiko da Pasai Donibaneko Juanba Berasategi auditoriumean.
Erronka askori aurre egin beharko diete hurrengo urteetan, Pasaiako badiaren inguruan bizi diren herritarrak. Erronka horiek izango dituzte hizpide bihar.
Mahai inguruko parte hartzaileak.
- Izaskun Suberbiola: MATER Barku Museo Ekoaktiboaren zuzendaria
- Karlos Murua: Eguzki Talde Ekologista eta Antinuklearreko kidea.
- Rafa Diez: Ondarroa 12 Milia Elkartea.
- Mari Carmen Mogilnicki: Laurak Bat Elkartea.
- Juantxo Lopez de Uralde: Unidas Podemos-eko Kongresurako hautagaia.
