Bihar egingo dute Euskaraldiaren aurkezpena San Pedron eta Trintxerpen
Gaur 18:00etatik aurrera 2020ko Euskaraldiaren berri emango dute, San Pedroko Udal Aretoan eta Trintxerpen dagoen Pasaiako Udal Euskaltegian.
San Pedron eta Trintxerpen Euskaraldiaren nondik-norakoak azalduko dituzte gaur 18:00etatik aurrera. San Pedroko Udal Aretoan —Erti— eta Pasaiako Udal Euskaltegian.
Trintxerpeko aurkezpena, 19:00etarako aurreikusita bazegoen ere, ordubete lehenago izatea erabaki dute antolatzaileek.
Lehen aurkezpena hilaren 18an egin zuten, Donibanen. Asteartean Antxoren txanda izan zen. Hortaz, San Pedro eta Trintxerpen egingo dituzten aurkezpenekin, Pasaiako barruti guztiak zeharkatuko dituzte.
Hilabete gutxi batzuk falta dira Euskaraldiaren 2. ediziorako. 2018ko arrakastari eutsi eta urrats berriak emango dituzte. 2020koa, 15 eguneko egitasmoa izango da eta norbanakoen ahobizi eta belarriprest rolak, entitateen parte hartze eta talde erabakiekin uztartuko dira oraingoan.
