Hemen da Itsaspeko Nazioarteko Zinema Zikloaren bigarren asteburua
'Hondar 2050' lanaren fotograma bat. Joan den hilaren 18ko eta 19ko saioen ondoren, asteburu honetan Lezoko Itsaspeko Nazioarteko Zinema Zikloaren bigarren ekinaldia egingo dute. Bihar (ostirala) goizez (10:30) ikastetxeetako ikasleentzat saioa egingo dute Gezala Auditoriumean; etzi (larunbata), zikloaren azken emanaldi nagusia egingo dute, Gezalan ere bai, 19:00etan hasita.
Zikloaren barruan, itsasoaren edertasun eta handitasunaz gain, egun ozeanoek dituzten arriskuei eta jasaten dituzte erasoei buruzko kontzientzia pizteko lanak daude, ingurumen arloko gogoeta sakona egiteko aukera ematen dute lan askok, beraz.
Hala, larunbateko egitarauan (behean osorik), nabarmentzekoa da Hondar 2050 dokumentala. Bertan, Carlos Arrolaren ikerketa lana azaltzen da: plastikoak itsasora nola eta zergatik heltzen diren ikertzen du Arrolak, eta horrek itsasoan sortzen dituen egoeren gaineko gogoetara egitera emango ditu lezoarrak.
Hilak 26, larunbata. 19:00etan, Gezala Auditoriumean.
- Cimasub 2018ko argazki sarituak (6 minutu).
- Momentos robados (Euskal Herria, 7 minutu).
- Out of The Black & Into The Blue (Filipinak, 4 minutu)
- Ocean’s Shock (Euskal Herria-Kantabria, 4 minutu).
- Hondar 2050 (Euskal Herria, 45 minutu).
- Pisciforms (Maurizioko Errepublika, 11 minutu).
- Black & Blue (Indonesia-Itsaso Gorria-Alaska, 5 minutu).
- Truk Lagoon (Mikronesia, 3 minutu).
- Underwater Basque Country (Euskal Herria, 3 minutu).
