Hilaren 30era arte aurkez daitezke Oiartzungo Prosa eta Poesia Lehiaketarako lanak
Prosa eta poesia lehiaketetan 8-18 adin tartekoek parte har dezakete. Sarien banaketa abenduaren 4an egingo dute. Kategoria bakoitzeko bi sari daude.
Iazko lehiaketaren saridunak. Oiartzungo Udalak jakinarazi du hilaren 30era arte (datorren asteko asteazkena) aurkez daitezkeela XXXII. Prosa eta Poesia Lehiaketarako lanak. Fermiñene Etxean egin behar da entrega, Euskara Sailean. Informazio gehiago Euskara Sailaren posta elektronikora mezua bidaliz eska daiteke.
8-18 adin tarteko haur eta gazteei begirakoa da, eta horiek Oiartzunen erroldatuak edo eskolatuak izan behar dute. Lanek, argitaragabeak eta euskaraz eginak izan behar dute.
LH3 eta LH4koek prosan bakarrik parte har dezakete. Hortik gorakoek, prosako eta poesiako lanak aurkez ditzakete; LHko ikasleen artean, taldekako aukera ere badago.
Sarien banaketa abenduaren 4an egingo dute, Xabier Lete poeta oiartzuarraren heriotzaren urteurrenean. Sariei dagokienez, honakoak dira (sail bakoitzean bi sari emango dira):
- LHkoek eta DBH2 arteko kategorietan daudenek 50 eta 80 euroko bonoak jasoko dituzte, ikas materialean trukatzeko.
- DBH3tik gorakoek saria esku-dirutan jasoko dute, 100 eta 120 euroko sariak zehazki.
Sariketaren baldintza eta oinarri zehatzak, ondoko PDFan daude.
