Mikel Izagirre omenduko du Mindarak
Pasa den uztailaren 5ean zendu zen Eizagirre, eta orain, omenaldi ekitaldia egin nahi dio Mindarak ohorezko presidenteari.
Mikel Izagirre HITZAren artxiboko irudi batean. Pertsona desberdinak berdinak diren lekua. Hori da Mindara, eta Mikel Izagirrek egin zuen posible dagoeneko Errenteria-Oreretan errotuta dagoen proiektuaren sorrera. Pasa den uztailaren 5ean zendu zen Izagirre, eta orain, omenaldi ekitaldia egin nahi dio Mindarak ohorezko presidenteari. Kirol egokituaren sustatzaile handia izan zen eta horretarako kirol elkarte, federazio eta talde sortu zituen aniztasun funtzionala duten pertsonen bizi kalitatea hobetzeko.
Lan horri ikuspuntu berritzailearekin ekin zion gainera.
Larunbatean omenduko dute Izagirre Niessen Kulturgunean 11:00etan. Aforoa mugatua da eta ekitaldi formala amaituta, Koldo Mitxelena ikastetxearen jolastokian pintxo solidarioak, jolasak, argazki erakusketa eta Mindara elkartearen gaineko informazioa zabalduko dute. Espazioa egokitua egongo da pertsona guztiek sarbidea izan dezaten.
